Dhelpra hyn në dhomën e gjumit e sulmon foshnjën (Foto/Video)

9:23 / 11.02.2013

Një ngjarje e pazakontë ka ndodhur në zonë në juglindje të Londrës, ku një foshnje katër javëshe është sulmuar nga një dhelpër në dhomën e gjumit.

Sipas familjarëve, dhelpra ishte futur në dhomën e fëmijës nëpërmjet derës së shtëpisë.

Kafsha e ka tërhequr vogëlushin nga krevati dhe e ka rrëzuar në dysheme, ndërkohë që nëna ka ndërhyrë në momentin e duhur dhe e ka shpëtuar foshnjën.

Pasi dëgjoi të qarat e bebes dhe më pas zhurmën e rënies së tij në dysheme, nëna u drejtua menjëherë te dhoma dhe pa dhelprën që kishte kafshuar dorën e foshnjës.

Gruaja e ka përzënë kafshën e egër nga dhoma dha ka arritur të shpëtojë fëmijën, i cili njërin gisht të dorës e kishte të dëmtuar.

Vogëlushi ka edhe disa plagë të vogla në fytyrë dhe ndodhet në spital nën kujdesin e mjekëve. /KP/Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.