Vajtimi për krokodilin me lot të vërtetë (Foto)
Krokodili më i madh i kapur ndonjëherë nga njerëzit, ka ngordhur në një liqen në jug të Filipineve, ku mbahej i rrethuar nga banorët lokalë.Lolong, i gjatë 6.17 metra dhe me moshë rreth 50-vjeçare, ishte kapur para një viti e gjysmë, ndërkaq mediat lokale kanë njoftuar se ai ishte sëmurë pasi ka gëlltitur një litar najloni.
Para se të kapej, krokodili kishte vrarë shumë peshkatarë, mirëpo 30 burra arritën ta kapin atë pas përpjekjeve trejavëshe në Bunawan të provincës Agusan del Sur.
Që nga kapja, Lolong është shndërruar në një atraksion turistik, ndërkohë që banorët e tij janë shumë të trishtuar për këtë humbje.
“I gjithë qyteti, në fakt e gjithë provinca, po vuan. Telefonat e mi kanë cingëruar pa ndalur, sepse njerëzit dëshironin të shprehnin ngushëllimet e tyre”.
“E doja shumë atë krokodil. Na solli famë dhe para. Po mendonim për ndërtimin e një rruge të mirë që të çonte në park, pasi kishim shumë kërkesa dhe shumë turistë që na vizitonin, por tani nuk besoj se kjo do të ndodhë”, ka deklaruar kryebashkiaku Edwin Elorde. /Telegrafi/
