Ndoshta duket se po vepron nën iluzion njeriu që thotë se e ka të drejtën të posedojë një planet të veçantë ose satelit në gjithësi, por ja që person mendon krejtësisht ndryshe. Dennis Hope është amerikani i cili që 30 vite merret me biznesin e shitjes së tokave në Hënë, Afërditë dhe Mars.
Edhe pse nuk ka asnjë ligj që lejon këtë, Dennis është shumë i suksesshëm në punën tuaj. Sipas disave ai është një mashtrues i rëndomtë, e të tjerët thonë se ia doli të "shtyjë kufijtë".
Ai deklaron se është një marrëveshje e vitit 1957 që rregullon gjithësinë e ku thuhet se asnjë shtet nuk mund të jetë pronar i trupave qiellorë. Megjithatë, Dennis thotë se askund nuk përmenden individët.
Ky amerikan që ka mbetur pa të holla pas shkurorëzimit, një ditë e ktheu kokën lart dhe e shikoi Hënën. Në atë moment i lindi një ide e pabesueshme: shitja e pronave në univers. Çdo copë e tokës në Hënë kushton 24 dollarë, ndërsa në ditë shiten afro 200 parcela. Thuhet se deri tash janë pesë milionë njerëz që kanë blerë parcelat e tyre në gjithësi.
Certifikata e pronës në Hënë natyrisht nuk ka asnjë vlerë financiare, por për blerësit dhe shitësin kjo nuk qëndron! /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
