Liga Premier: Cazorla vazhdon të shkëlqejë

11:46 / 20.11.2012

Paraqitja brilante e Santi Cazorlas për Arsenalin në derbin londinez ndaj Tottenhamit, i ka siguruar atij rikthimin në ekipin më të mirë të javës në Ligën Premier.

Cazorla shënoi njërin nga golat e fitores 5-2 ndërsa asistoi edhe në një tjetër, por merita më e madhe e tij ishte përjashtimi i Emmanuel Adebayor me karton të kuq, pas një ndërhyrje të këtij të fundit në spanjollin.

Kampioni në fuqi i Ligës Premier, Manchester City, po ashtu përfaqësohet me një lojtar në skuadrën më të mirë të javës. Mediat angleze kanë vlerësuar lartë paraqitjen e Maicon në fitoren 5-0 ndaj Aston Villas.

Në ekipin më të mirë këtë javë mungojnë emrat e skuadrave tjera të kreut, si Manchester United dhe Chelsea, të cilën pësuan disfata befasuese nga Norwich, respektivisht West Brom.

Luis Suarez udhëheq sulmin e javës, pasi shënoi dy gola në fitoren 3-0 të Liverpoolit ndaj Wigan Athletic, për të çuar në 10 numrin e golave këtë sezon dhe për të marrë kreun e listës së golashënuesve në Premier.

Liverpooli kontribuon edhe me një lojtar në formacion, mesfushorin Jose Enrique, i cili, i aktivizuar në një pozitë më të avancuar, shënoi një gol dhe asistoi në një tjetër për Suarez.

Më të mirët e vikendit të kaluar në Ligën Premier:

Portier: John Ruddy (Norwich City)

Mbrojtës: Maicon (Manchester City); Jonas Olsson (West Brom); Carlos Cuellar (Sunderland); Luke Shaw (Southampton)

Mesfushorë: Anthony Pilkington (Norwich City); Santi Cazorla (Arsenal); Adam Lallana (Southampton); Jose Enrique (Liverpool)

Sulmues: Luis Suarez (Liverpool); Adam Le Fondre (Reading)

Formacioni 4-4-2

                         Ruddy

 Maicon – Olsson – Cuellar – Shaw

Pilkington – Cazorla – Lallana – Enrique

                Suarez – Le Fondre
/Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.