Liga Premier: Baines, lojtari i javës

13:59 / 1.02.2013

Dy gola të shënuara nga mbrojtësi i Evertonit, Leighton Baines, ia kanë siguruar atij vendin në ekipin më të mirë të mesjavës në Ligën Premier.

I shkëlqyeshëm në mesjavë ishte edhe ish-portieri i Interit, Julio Cesar, i cili u bëri ballë kampionëve në fuqi, Manchester Cityt, për t’ia siguruar një pikë ekipit të fundit në tabelë, QPR.

Në mesin e më të mirëve rikthehet edhe Wayne Rooney, pasi sulmuesi i Manchester United bëri një paraqitje energjike duke shënuar edhe të dy golat e fitores 2-1 ndaj Southampton.

Rooney shoqërohet në sulmin e javës nga ylli i Reading, Adam Le Fondre, i cili i inkuadruar si zëvendësues në 35 minuta lojë shënoi të dy golat e barazimit 2-2 ndaj Chelseat.

Në vazhdim më të mirët e mesjavës të zgjedhur nga mediat angleze:

Portier: Julio Cesar (QPR)

Mbrojtës: Sascha Riether (Fulham); Titus Bramble (Sunderland); Ryan Nelsen (QPR); Leighton Baines (Everton)

Mesfushorë: Jordan Henderson (Liverpool); Yohan Cabaye (Newcastle); Roger Espinoza (Wigan); Gareth Bale (Tottenham Hotspur)

Sulmues: Wayne Rooney (Manchester United); Adam Le Fondre (Reading)

Formacioni 4-4-2

                         Cesar

 Riether – Bramble – Nelsen – Baines

Henderson – Cabaye – Espinoza – Bale

                Rooney – Le Fondre

/Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.