Serie A: Nga dy lojtarë për Inter dhe Juven
Juventus ka rikthyer avantazhin ndaj skuadrave të tjera ndjekëse në garën për Serie A, duke mposhtur Fiorentinën me rezultat 2-0, për të marrë pjesë me dy lojtarë në ekipin më të mirë të javës. Po aq lojtar në formacion ka edhe Interi, që ishte ekipi tjetër i skuadrave të kreut që shënoi fitore.I pari në mesin e më të mirëve të fundjavës këtë herë është portieri i Sampdorias, Sergio Romero, i cili shkëlqeu për të ndihmuar ekipin të fitojë 3-1 ndaj Romës, duke mbrojtur edhe një penalti të goditur nga Pablo Osvaldo.
Në mbrojtjen më të mirë të javës, Andrea Barzagli i Juventusit shoqërohet edhe nga Andrea Ranocchia i Interit dhe Hugo Campagnaro i Napolit, me të dy këta të fundit që shënuan në fundjavë në fitoren 3-1 ndaj Chievos, respektivisht barazimin 1-1 ndaj Lazios.
Në mesfushë, në krahun e djathtë rreshtohet Roberto Pereyra pas golit të fitores për Udinesen ndaj Torinos. Mesi i fushës pushtohet nga Arturo Vidal i Juventusit dhe Daniele Conti i Cagliarit, ndërsa në krahun e majtë rreshtohet Andrea Bertolacci i Genoas.
Antonio Cassano shënoi në fitoren e Interit për të siguruar një vend në treshen sulmuese, ku nuk mungon as Sergio Floccari i Lazios dhe Gianluca Sansone i Sampdorias. /Telegrafi/
Në vazhdim mmë të mirët e fundjavës në Serie A:
Portier: Sergio Romero (Sampdoria)
Mbrojtës: Andrea Barzagli (Juventus); Andrea Ranocchia (Inter); Hugo Campagnaro (Napolit)
Mesfushorë: Roberto Pereyra (Udinese); Arturo Vidal (Juventus); Daniele Conti (Cagliar); Andrea Bertolacci (Genoas);
Sulmues: Antonio Cassano (Inter); Sergio Floccari (Lazio); Gianluca Sansone (Sampdoria)
Formacioni 3-4-3
Romero
Barzagli – Ranocchia – Campagnaro
Pereyra – Vidal – Conti – Bertolacci
Cassano – Floccari – Sansone
/Telegrafi/
