Zyrtarë të nivelit të lartë mendojnë për këmbim territorial
Nuk mund të them se të gjithë zyrtarët e nivelit të lartë në Kosovë dhe Serbi kanë thënë haptazi se do të jenë të gatshëm ta marrin në shqyrtim shkëmbimin territorial, apo edhe se Serbia do të jetë e gatshme ta njohë Kosovën, por në nivele të ndryshme të qeverive kemi parë shenja të caktuara se do të ishin të gatshëm ta marrin këtë rrugë- ka thënë Sabine Freizer nga Grupi Ndërkombëtar i Krizave, në një intervistë për Radion Evropa e Lirë.Ajo ka thënë se burimet e GNK-së janë shumë të afërta me elitat në pushtet, në Kosovë dhe në Serbi, dhe se është e bindur se zyrtarë të nivelit të lartë të të dyja vendeve janë duke menduar se këmbimi territorial mund të jetë zgjidhje e pranueshme.
Sa i përket asaj që mendohet si “domino efekt” që mund të ketë ndarja e Kosovës në Maqedoni dhe Bosnjë e Hercegovinë, Freizer thotë se problemet në Maqedoni dhe Bosnjë janë më shumë probleme të brendshme vendore dhe se nuk ka ndërlidhje të drejtpërdrejtë midis asaj që ndodh atje dhe zhvillimeve në Kosovë. /Telegrafi/
