U përkujtua masakra në Burgun e Dubravës

14:50 / 22.05.2011

Të dielën, në Burgun e Dubravës, u përkujtua 12 -vjetori i masakrës mbi të burgosurit shqiptarë, ku morën pjesë deputetë të Kuvendit, kryetarë komunash, të mbijetuar dhe familjarë të të vrarëve të kësaj masakre.

Zëvendëskryeministri dhe ministri i Drejtësisë, Hajredin Kuçi, me këtë rast, ka thënë e të gjithë ata që kanë përgatitur masakrën e Burgut të Dubravës, për veprat e tyre do të ndëshkohen, gjegjësisht do të përgjigjën penalisht.

“Shumica e njerëzve që kanë qenë në burg, kanë qenë të burgosur për qëllime politike dhe, kjo, që ka ndodhë në Burgun e Dubravës në vitin 1999 është rast i rrallë, pasi kjo në botën moderne nuk ndodh, sepse edhe terroristët më të mëdhenj në botë nuk trajtohen kështu. Andaj, përgjegjësia penalë për të gjithë ata që kanë bërë veprime të tilla herdokur ka për të ndodhur”, ka thënë Kuçi.

Ndërsa, i mbijetuari i kësaj masakre, tash deputet në Kuvend, Nait Hasani, shpalosi përkujtime nga dita e masakrës.

“Në këtë vend, ku jemi sot, më 22 maj 1999, përkatësisht në mëngjesin e kësaj dite, ka ngjarë masakra më e tmerrshme që ka mundur të ndodhë ndonjëherë. Këtu, na kanë thirr dhe na kanë renditur gardianët dhe në turmën e të burgosurve kanë gjuajtur nga të tri anët, andaj këtu nuk ke mund të shikosh asgjë përveç tym dhe gjak. Por, sot pas 12 vjetëve ne e kujtojmë këtë masakër dhe e falënderoj ministrin e Drejtësisë dhe institucionet tjera që të paktën është bërë një sensibilizim kësaj radhe më i madh për atë që ka ndodhë 12 vjet më parë në Burgun e Dubravës”, ka thënë deputeti Hasani.

Në vendin ku ka ndodhë masakra do të vendosët një pllakë përkujtimore në shenjë përkujtimi për të vrarët dhe të mbijetuarit e kësaj masakre. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.