OSBE dënon incidentet, kërkon hetim për sjelljen e policisë
Shefi i Misionit të OSBE-së në Kosovë, ambasadori Werner Almhofer, ka dënuar incidentet e dhunshme që kanë ndodhur gjatë gjithë ditës së 28 qershorit dhe ka bërë thirrje për hetime të hollësishme të incidenteve dhe dyshimeve për përdorim të forcës së tepruar nga disa policë.“Sulmet e raportuara ndaj policëve dhe njerëzve që udhëtonin me autobus janë të papranueshme dhe unë i dënoj fuqishëm ato”, tha Almhofer.
“Jam i shqetësuar në lidhje me raportimet për përdorimin e tepruar të dhunës nga disa policë, dhe i bëjë thirrje Inspektoratit të Policisë së Kosovës që të hetojë çdo sjellje të keqe të policisë”, thuhet në kumtesën e OSBE-së.
Misioni i OSBE-së është i mandatuar për mbrojtjen dhe promovimin e të drejtave të njeriut, demokratizimin dhe zhvillimin e sektorit të sigurisë publike. /Telegrafi/
