Rezultatet e Provimit të Maturës më 5 korrik
Ministria e Arsimit, Shkencës dhe Teknologjisë njoftoi të gjithë kandidatët që i janë nënshtruar Provimit të Maturës Shtetërore se rezultatet e provimit do të publikohen të enjten, më 5 korrik 2012.Komisioni Qendror Shtetëror i Maturës ka njoftuar se kjo shtyrje e publikimit të rezultateve të provimit të maturës, është bërë me kërkesën e Njësisë për Standarde, Vlerësim dhe Monitorim, e cila është duke u ballafaquar me harmonizimin e shënimeve, veçmas për identifikimin e fletëpërgjigjeve, në të cilat mungojnë disa shënime të domosdoshme identifikuese. /Telegrafi/
