Filloi punën Zyra Administrative në veri
Pa ndonjë zhurmë të madhe apo ceremoni të përurimit, të martën ka filluar punën Zyra Administrative e Kosovës në veri të Mitrovicës. Në mëngjesin e së martës të gjithë të punësuarit në këtë Zyrë janë paraqitur në punë. Zëdhënësi i policisë për rajonin e Mitrovicës, Besim Hoti, ka theksuar se policia ka shtuar numrin e policëve në atë pjesë. Por, Hoti nuk ka mohuar as pohuar nëse zyra është hapur.
Zyra do të ketë 80 të punësuar dhe një buxhet vjetor prej 4 milionë eurosh. Shefe e kësaj zyre është emëruar Adrijana Hoxhic, e cila edhe më parë ka qene shefe e ekipit përgatitor për formimin e komunës në veri të Mitrovicës, në përputhje me Planin e Ahtisarit.
Drejtuesit e Komunës së Mitrovicës kanë pasuar një takim me drejtuesit e Zyrës Administrative në veri të Mitrovicë, që është hapur sot, raporton Koha.net. /Telegrafi/
