Prioriteti i LDK-së, largimi i Qeverisë Thaçi

10:30 / 16.09.2012

Anëtarja e Kryesisë së Lidhjes Demokratike të Kosovës dhe deputete në Kuvendin e Kosovës, Vjosa Osmani, ka akuzuar kryeministrin Hashim Thaçi për bllokimin e marrëveshjes për zgjedhjen e presidentit. Sipas saj, nuk ka çështje më të rëndësishme nacionale sesa largimi i qeverisë që drejtohet nga Thaçi.

“Ne mendojmë dhe jemi të sigurt se këtë lëmsh e ka krijuar kryeministri Thaçi, sepse i përshtatet që në postin e presidentit të ketë një njeri që nuk i thotë jo kurrë, përkundër vendimeve në dëm të Kosovës që ai i merr, përkundër asaj që një president është udhëheqës i politikës së jashtme e që duhet t’i thotë jo, sidomos kur flitet për veriun, për integritetin territorial, për heqjen në mënyrë antikushtetuese të ambasadorëve, vetëm pse nuk janë militantë të PDK-së, e shumë vendime të tjera të dëmshme”, ka thënë Osmani, shkruan Koha Ditore.

Këto komente deputetja Osmani i ka bërë gjatë një takimi që ka pasur me përfaqësues të LDK-së në Gjakovë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.