Thaçi: BE-ja zhgënjeu qytetarët e Kosovës

12:59 / 12.12.2012

Kryeministri i vendit, Hashim Thaçi ka reaguar ashpër pas vendimit të Bashkimit Evropian që Kosova të mos nisë negociatat për Marrëveshjen e Stabilizim Asocimit, pa i përmbushur edhe disa kritere.

Kryeministri Thaçi në mbledhjen e Këshillit Kombëtar për Integrime Evropiane ka thënë se BE-ja po vonohet me Kosovën dhe se Kosova po mbetet viktimë e mos-unitetit evropian për Kosovën.

Sipas tij, Kosova në procesin e liberalizimit ka plotësuar më shumë kushte se sa vendet e tjera, por mos bashkërendimi politikave në ketë union ka bërë që Kosova të jetë e diskriminuar.

“E para qytetarët e Kosovës pa dallim që janë pro evropian. Zotim i BE-së duhet të jetë shumë më i prekshëm për qytetarët e Kosovës. Bashkimi Evropian po vonohet me Kosovën, padrejtësisht. Ky veprim i BE është zhgënjyes për qytetarët e Kosovës. Në Bruksel duhet të largojnë nga mendja apo ta paralelizojnë rrugën e Kosovës me atë të Serbisë. Ne jemi dy shtet të veçanta dhe Serbia a ka rrugën e vet, ndërsa, Kosova të veten. Këtë ia kam theksuar edhe Fyles që të marrim më seriozisht dhe të vlerësojnë realisht progresin jo nga premisat politik por nga realiteti”, citohet të ketë thënë Thaçi. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.