BE-ja nuk konfirmon se marrëveshja për kufirin është IBM

8:53 / 13.12.2012

Bashkimi Evropian nuk konfirmon se aranzhimi i pajtuar mes kryeministrit të Kosovës, Hashim Thaçi, dhe atij të Serbisë, Ivica Dacic, është menaxhim i integruar i kufirit (IBM).

Prezencat e BE-së në Kosovë nuk kanë pranuar të japin detaje për aranzhimet që më 10 dhjetor kanë filluar të aplikohen nga autoritetet e Kosovës dhe të Serbisë në Jarinjë e Merdar dhe që nga të dyja qeveritë u proklamuan si fillimi i zbatimit të konceptit për menaxhim të integruar të kufirit, shkruan “Koha Ditore”.

Sipas tyre, EULEX-i po zbaton atë për çka janë marrë vesh palët.

Bashkimi Evropian nëpërmjet baroneshës Catherine Ashton dhe zyrës së vet në Kosovë nuk ngurrojnë që aranzhimit që ka ndodhur në Jarinjë e Merdar t`i referohen si IBM, mirëpo kur janë pyetur për mungesën e zbatimit të kritereve bazë të këtij koncepti, nuk kanë dashur që të komentonin. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.