Gjykata urdhëron arrestimin e Zharkut

10:54 / 14.12.2012

E plotësuar: Gjykata Komunale e Kaçanikut ia ka dorëzuar policisë urdhrin për arrestimin e Xhabir Zharkut dhe dërgimin e tij në burg me forcë.

Këtë e ka konfirmuar për KTV-në kryetari i Gjykatës Komunale të Kaçanikut. Ish-kryetari i Kaçanikut, Zharku, i dënuar me 3 vjet burgim për veprën penale të detyrimit dhe për armëmbajtje pa leje, të enjten nuk është paraqitur në Gjykatën Komunale të Kaçanikut për të shkuar në vuajtje të dënimit.

Ka kohë që numrin e tij të telefonit e mban i biri, i cili ka thënë se është jashtë shtëpisë dhe se nuk e di se ku gjendet babai i tij.

“Unë jam duke vozitur edhe nuk jam në shtëpi. Tash nuk e di a është në shtëpi, a është në punë, a te ndonjë shok, por në Kosovë është”, i ka thënë KTV-së djali i tij. Por, avokati i Zharkut, Xhevdet Shala, ka thënë se nuk ka mundur të vendosë kontakt me të.

E plotësuar: Pasi nuk është paraqitur të enjten në Gjykatën komunale të Kaçanikut për të shkuar në vuajte të dënimit prej tri vitesh, ish kryetarin e Kaçanikut Xhabir Zharkun, e presin masa tjera ligjore.

Pasi nuk është paraqitur të enjten në Gjykatën komunale të Kaçanikut për të shkuar në vuajte të dënimit prej tri vitesh, ish kryetarin e Kaçanikut Xhabir Zharkun, e presin masa tjera ligjore.

Kryetari i Gjykatës, Ramadan Gudaci, ka deklaruar për RTK-në se sot ndaj tij mund të merren masa tjera ligjore nëse ai nuk paraqitet në gjykatë, që do të thotë se policia mund ta arrestojë atë. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.