Gashi: Koalicioni PDK-AAK për të keqen e Kosovës
Anëtari i Kryesisë së Lidhjes Demokratike të Kosovës, Arben Gashi ka thënë se koalicioni i mundshëm ndërmjet Partisë Demokratike të Kosovës dhe Aleancës për Ardhmërinë e Kosovës është bashkim i së keqes për të keqen e qytetarëve dhe shtetit të Kosovës. Gashi në një intervistë për “Epokën e Re”, theksoi se një koalicion i tillë e rrezikon imazhin e vendit.
“Koalicionin e mundshëm ndërmjet PDK-së dhe AAK-së e shih si bashkim të së keqes për të keqen e Republikës së Kosovës”, ka deklaruar Gashi.
Ai ka thënë se e vetmja zgjidhje për qytetarët dhe Kosovën është organizimi i zgjedhjeve të lira dhe demokratike.
Sipas tij, koha më e mirë për mbajtjen e zgjedhjeve është pranvera e vitit 2013. /Telegrafi/
