Serbët bllokojnë rrugën, kundërshtojnë zbatimin e IBM në Bërnjakë

12:11 / 30.12.2012

Biznesmenë dhe afaristë nga veriu i Kosovës, sot në mëngjes kanë bllokuar rrugën magjistrale në Zubin Potok, rrugë kjo që shpie në pikën kufitare në Bërnjakë.

Barrikada është vendosur në qendër të Zubin Potokut, me qëllim të ndalimit të shkuarjes në pikën kufitare në Bërnjak, të EULEX-it, policisë kufitare të Kosovës dhe doganierëve të Kosovës, transmetojnë mediat lokale serbe në veri.

Të pakënaqur me marrëveshjen e arritur në Bruksel lidhur me doganat, serbët duan të pengojnë implementimin Marrëveshjes për menaxhimin e integruar të kufirit, zbatimi i së cilës është paralajmëruar të ndodhe nesër edhe në Bërnjak.

Serbët thonë se nuk duan t’ia paguajnë kontributet institucioneve të Kosovës, por organeve shtetërore serbe.

Sipas informacioneve automjetet civile lirohen për qarkullim normal, kurse biznesmenët që kanë bllokuar rrugën, thonë se do të qëndrojnë aty derisa të hiqet dorë nga implementimi i Marrëveshjes së Brukselit edhe në vendkalimin kufitar në Bërnjak.

Bllokimin e rrugës ne veri e ka konfirmuar edhe zëvendës komandanti rajonal i policisë në Mitrovicë, nënkoloneli Ergin Medic.

“Që nga ora 8:00 e mëngjesit të sotëm, 20 deri 50 protestues serbë, meqë numri i tyre po variron, kanë bllokuar në Zubin Potok pjesërisht rrugën me 15 kamionë duke protestuar në këtë mënyrë kundër zbatimit të IBM-së në këtë pikë kufitare”, ka thënë Medic për Kosovapress.

Ai ka theksuar se tani automjetet e KFOR-it, EULEX-it dhe të Policisë së Kosovës janë duke qarkulluar në drejtim të Bërnjakut, duke mos mohuar bllokimin e këtyre automjeteve në orët e para të mëngjesit.

Sipas tij, situata deri tani është e qetë dhe nuk është shënuar ndonjë incident. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.