I dinte shkronjat ende pa hyrë në shkollë

11:34 / 31.12.2012

Që nga fëmijëria nuk ka qenë një tip i mbyllur, përkundrazi ka qenë shumë e gjallë, ambicioze dhe se gjithmonë ka kërkuar vëmendjen e të tjerëve.

Kështu thotë ministrja e Integrimeve, Vlora Çitaku.

“Ende pa shkuar në shkollë kam mësuar shkronjat dhe numrat sepse gjithmonë kam qenë në garë me të tjerët, dhe jam karakterizuar si fëmijë jashtëzakonisht aktiv”, ka thënë ajo për “Tribuna Shqiptare”.

Ndërkaq si gjithë të tjerët edhe ajo i ka pasur preferencat e veta, transmeton Indeksonline. ‘Normal që si të gjithë të tjerët, edhe unë i kam pasur preferencat e mija, se me kë dëshiroja të kaloj më shumë kohë”, ka thënë Çitaku.

Ndërkohë ajo ka qenë në të njëjtën shkollë me dy ministra të tjerë. Me ministrin e Kulturës, Rinisë dhe Sportit, Memli Krasniqi dhe me ministrin e Bujqësisë, Blerand Stavileci.

Ajo thotë se, i takon ndonjë meritë që Krasniqi dhe Stavileci janë sot në PDK.

”Dhe pak a shumë i marrë meritat, pse ata sot janë pjesë e strukturave të Partisë Demokratike të Kosovës”, ka thënë ajo.

Ndërkaq ajo me emocion kujton një koment që ka marrë nga babai i një dëshmori.

“E kujtoj me shumë emocion një takim timin të rastit me babain e një dëshmori. Ai zotëri shumë dinjitoz më tha se ishte ndjerë krenar me paraqitjen dhe fjalimin tim në Këshillin e Sigurimit në OKB. E di se jam ndjerë shumë e lumtur dhe në të njëjtën kohë kam qarë. Sa herë e kujtoj atë takim emocionohem shumë”, ka thënë ajo./Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.