Kujdes me mjetet piroteknike

20:51 / 31.12.2012

Në Klinikën Emergjente të Qendrës Klinike Universitare të Kosovës, janë bërë të gjitha përgatitjet për të gjithë qytetarët që kanë nevojë për shërbimet emergjente. Drejtori i kësaj Qendre Basri Lenjani, u bën thirrje të gjithë qytetarëve që të festojnë me dinjitet dhe të jenë të kujdesshëm gjatë përdorimit te mjeteve piroteknike.

Askush nuk dëshiron që në natën e ndërrimit të moteve të përsëritet viti 2010 kur në Qendrën Emergjente si pasojë e mjeteve piroteknike dhe armëve të zjarrit u lënduan më shumë se 120 persona, thotë Basri Lenajani, drejtor i Qendrës Emergjente.

“Do të apelojmë te të gjithë qytetarët e Kosovës që gjatë shkrepjes se mjeteve piroteknike të jenë të kujdesshëm, meqenëse nuk janë të vetëdijshëm për lëndimet të cilat mund të jenë me pasoja të paparashikueshme dhe nuk dëshirojmë të përsëritet viti 2010 ku mbi 120 raste kanë marrë lëndime serioze”, tha Lenjani.

Sipas tij, ekipi mjekësor është në gjendje gatishmërie 24 orë.

Lenjani u bën thirrje të gjithë prindërve që të kujdesen për fëmijët e tyre gjatë përdorimit të mjeteve piroteknike në ndërrimin e moteve. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.