Doganierët në veri - të jenë të përgatitur për sfida!

16:50 / 4.01.2013

Ndërrimi i doganierëve të Kosovës në pikat doganore në Bërnjakë dhe Jarinë është bërë pa probleme, ka konfirmuar për Telegrafin zëdhënësi i Doganave të Kosovës, Adriatik Stavileci. Disa prej doganierëve që kanë qëndruar për gjashtë ditë janë ankuar për mungesë ushqimi dhe kushte të këqija higjienike.

Në anën tjetër, Stavileci thekson se vonesa ka ndodhur për shkak të mjegullës, por vlerëson se secili doganier që sipas orarit të rregullt duhet të qëndrojë tri dytë, parimisht duhet të jetë i përgatitur të qëndrojë edhe disa ditë më shumë, në rast të ndonjë situate të jashtëzakonshme.

“Tashmë janë ndërruar doganierët. Ata u vonuan, sepse helikopteri i EULEX-it nuk arriti të fluturojë për shkak të mjegullës. Kjo nuk ka ndodhur më parë, por nëse ndodhë në të ardhmen, duhet të jemi të përgatitur”, ka thënë Stavileci. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.