VV: Të ndryshohet neni i Kushtetutës që ndalon bashkimin me Shqipërinë

20:55 / 9.01.2013

Pasi e ka bërë kërkesën zyrtare në KQZ të Shqipërisë për organizimin e një referendumi për bashkim, kreu i Aleancës Kuq e Zi, Kreshnik Spahiu i ka bërë thirrje Kuvendit të Kosovës që të thërras referendum për ta shfuqizuar dispozitën kushtetuese që pengon bashkimin me Shqipërinë. Ndërkohë, Dardan Molliqaj nga Lëvizja Vetëvendosje ka deklaruar për Telegrafin se neni 1.3 i Kushtetutës është shkelje e të drejtës për vetëvendosje të jashtme e popullit në Kosovë dhe si i tillë duhet të hiqet.

Molliqaj ka thënë se Lëvizja Vetëvendosje që nga fillimi e ka kundërshtuar Planin e Ahtisaarit dhe përfshirjen e tij në Kushtetutën e Kosovës.

“Sa i përket bashkimit me Shqipërinë, Lëvizja Vetëvendosje nuk e mendon bashkimin kombëtar vetëm në rrafshin kulturor, sportiv e arsimor, por edhe në rrafshin ekonomik dhe të mendimit politik”, ka thënë Molliqaj.

Sipas tij, iniciativa për referendum, për t’ia bashkuar Kosovën Shqipërisë domosdo duhet ta ketë për qëllim bashkimin kombëtar në të gjitha rrafshet. “Ndërsa rregullimi territorial dhe administrativ është çështje që mund të vendoset pas bashkimit”.

“Kufiri në mes Kosovës dhe Shqipërisë është kufi i vendosur nga të huajt, pa prezencën tonë dhe me dhunë. Ne e duam bashkimin paqësisht, duke vendosur vetë dhe me referendum”, ka thënë Molliqaj. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.