Skandali i pasaportave e ka dëmtuar procesin e liberalizimit të vizave

17:10 / 24.01.2013

Raporti i Komisionit Evropian për liberalizimin e vizave për Kosovën nuk do të shtyhet, mirëpo s’ do të jetë frytdhënës për Kosovën, vlerëson Fatmir Curri nga Fondacioni kosovar për Shoqëri Civile.

Dje ministrja e Integrimeve, Vlora Çitaku, ka deklaruar se ky raport do të publikohet me 12 shkurt.
Curri ka thënë për Telegrafin se skandali i pasaportave e ka dëmtuar rënd procesin e liberalizimit.

“Duhet të theksoj se edhe Parlamenti Evropian ka humbur simpatinë për Qeverinë e Kosovës, veçanërisht raportuesja Ulrike Lunacek”, thotë ai, duke shtuar se vullneti ka humbur edhe prej institucioneve të Kosovës.

“Nuk pritet që liberalizimi i vizave të ndodhë deri ne fund te vitit 2014”, ka deklaruar Curri.

Skandali që ka shpërthyer Ministrinë e Punëve të Brendshme - me 1.4 milion eurot e destinuara për prodhimin e pasaportave biometrike, që kishin “humbur” rrugës duke mos shkuar në kompaninë austriake “Osterreichische Staatsdruckerei”, por në xhirollogari të shtetases gjermane Natali Veliaj - ishte vlerësuar që në fillim nga partitë opozitare në Kosovë se do të prodhojë efektet e para negative në procesin e liberalizimit të vizave. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.