“Harrohet” lapidari i UÇPMB-së?!

23:55 / 31.01.2013

Gjatë qëndrimit të djeshëm në Bujanoc, kryetari i Trupit Koordinues për Preshevë, Bujanoc dhe Medvegjë, Zoran Stankovic, ka thënë se nuk ka një kërkesë zyrtare për kthim të lapidarit të hequr nga sheshi i Preshevës.

Kryetari i këtij organi shtetëror njoftoi se kërkesë për të kthyer lapidarin deri më tani nuk ka pasur.

Deri më sot liderët shqiptarë nuk kanë arritur të gjejnë një gjuhë të përbashkët sa i përket lokacionit se ku duhet të vendoset lapidari i dëshmorëve të UÇPMB-së.

Zyrtarët nga Beogradi kanë bërë të ditur se kërkesa që do të dërgohet nga shqiptarët do të shqyrtohet dhe më pas do të vendoset se a lejohet kthimi i lapidarit në lokacionin e ri që liderët shqiptarë do të dëshironin, raporton Titulli.

Sipas kryetari të Trupit Koordinues, kërkesën për kthim të lapidarit me lokacionin e ri duhet ta dërgojë Komuna e Preshevës.

Lapidari i dëshmorëve të UÇPMB-së u hoq më 20 janar nga forcat e Xhandarmërisë. Deri më tani zyrtarët e Komunës së Preshevës kanë pohuar se nuk dinë vendndodhjen e lapidarit.

Megjithatë, mediat, herën e fundit kanë raportuar se lapidari është i dëmtuar dhe gjendet në bazën ushtarake të Xhandarmërisë në Cakanocë, një fshat i vogël në hyrje të Preshevës. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.