Çitaku dhe Jeremici sërish polemizojnë në Twitter

22:42 / 6.02.2013

Ka shpërthyer sërish polemika në rrjetin social Twitter, mes Ministres së Integrimeve Evropiane, Vlora Çitakut, dhe ish ministrit të Jashtëm serb, Vuk Jeremic, aktualisht kryesues i Asamblesë së Përgjithshme të OKB-së.

 Debati ka filluar me njohjet e Kosovës: Janë 98 shtetet e OKB-së që e kanë njohur Kosovën, dhe shumë të tjera që,sipas Çitakut pritet të vijnë.

“Po të ishte kjo e vërtet, do të tentonin të vijnë në Asamblenë e përgjithshme... i presim”, ka thënë Jeremici.

Pason përgjigja e ministres kosovare: “Ne do të jemi së shpejti në OKB. Ti e di numrin e shteteve që na kanë pranuar. Pavarësia është e pakthyeshme”.

“Që diçka të jetë e kthyeshme/e pakthyeshme, duhet që së pari të ndodhë”, thotë Jeremici, duke aluduar se “pavarësia e Kosovës nuk ka ndodhur”:

“Do t'i them ambasadorit tonë në SHBA që t'ua dërgojë vendimin e GJND-se për pavarësinë”, shkruan Çitaku.

Ndërsa, Jeremic përgjigjet: “E di mirë se çfarë shkruan aty. Një nga shumë pengesat ligjore për të ashtuquajturën pavarësi të Kosovës dhe Metohisë”.

Ndërkaq, Çitaku ia kthen me sarkazëm: “Hmmm... Gjyqtarët nuk do të pajtohen me ju! Lexojeni prapë! Të falënderojmë që e iniciuat këtë rast (vendimin e GJND-së - v.j.)” /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.