Gjini: Do ta ndërrojmë këtë qeveri

22:58 / 12.02.2013

Aleanca për Ardhmëri e Kosovës nuk ka hequr dorë për ta marrë qeverisjen në vend. Kështu ka thënë deputeti i AAK-së, Ardian Gjini, duke potencuar se AAK-ja do të kërkojë rrugë të ndryshme demokratike për ta ndërruar qeverinë.

“Nuk do të ndalemi kurrë për ta ndërruar këtë qeveri. Aleanca do të kërkoi rrugë me ndërru qeverinë, më sa më pak dhimbje, pa patligjana ashtu siç vepron Vetëvendosje. Kemi bërë një ofertë për të treguar se nuk duhet qeverisur kështu. Nuk do të ndalemi. Ne do ta ndërrojmë për interes të vendit këtë qeveri”, tha Gjini për emisionin Rubikon në KTV.

Nga ana tjetër, deputetja nga Lidhja Demokratike, Teuta Sahatqija, i është kundërpërgjigjur Gjinit në cilësinë e pozitës.

“Në demokraci është mënyra se si ndërrohet qeveria, por nuk kam dëgjuar se qeveria dorëzohet, siç po pretendon AAK-ja. Nëse dorëzohet qeveria, atëherë është tradhti e votës”, tha Sahtaqija. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.