Gestapo qeverisja
Përpjekja e Qeverisë së Kosovës që t’i kontrollojë me ligj telefonatat, përkatësisht ta përgjojë pothuajse secilën bisedë telefonike, dhe të njëjtën ta përdorë si të dojë, ta ruajë ku të dojë, dhe ta fshijë vetëm atëherë kur asaj nuk i duhet më, ka shqetësuar tejmase bashkësinë ndërkombëtare.Janë drejtuesit e Zyrës së Bashkimit Evropian në Prishtinë, të Organizatës për Siguri dhe Bashkëpunim Evropian (OSBE), dhe ata të Misionit të Bashkimit Evropian për Sundim të Ligjit (EULEX) të cilët nëpërmjet komunikimit zyrtar me institucionet e vendit kanë shprehur shqetësimet e tyre për draftin e Projektligjit për Përgjimin e Telekomunikimeve, njofton “Zëri”.
Gazeta “Zëri” ka siguruar një dosje me dokumente që kanë të bëjnë me Projektligjin në fjalë, përkatësisht me komunikimin në mes të institucioneve vendore e ndërkombëtare, vërejtjet e ndërkombëtarëve dhe kronologjinë e “prapaskenave” për hartimin e këtij dokumenti.
Nga komunikimet shihet se si të tri organizatat ndërkombëtare kanë vërejtje për nenet e caktuara të Projektligjit, i cili është sponsorizuar nga Zyra e Kryeministrit të Kosovës. /Telegrafi/
