Rexhepi: Raportoj rregullisht në Komision

15:50 / 25.02.2013

Ministri i Punëve të Brendshme të Kosovës, Bajram Rexhepi i ka mohuar akuzat se nuk është i gatshëm të raportojë para anëtarëve të Komisionit për Punë të Brendshme, Siguri dhe Mbikëqyrjen e FSK-së të Kuvendit të Kosovës. Në një prononcim për Telegrafin, ministri Rexhepi ka thënë se në ministri i ka të protokolluara të gjitha rastet kur ka raportuar rreth çështjeve të sigurisë në vend.

“Kërkesa ka ardhur me vonesë. Ndërkohë unë do ta përgatis raportin për situatën e sigurisë dhe do të raportoj”, ka thënë ministri Rexhepi.

Në mbledhjen e Komisionit të mbajtur sot, kryetari i këtij Komisioni, Ahmet Isufi i AAK-së dhe nënkryetari nga radhët e Vetëvendosjes, Rexhep Selimi, kanë thënë se ministri Rexhepi nuk ka qenë i gatshëm që t’i përgjigjet ftesës për të raportuar për situatën në veri të vendit, ku janë shpeshtuar sulmet dhe shpërthimet.

Ndërkohë, Komisioni i ka bërë kërkesë zyrtare EULEX-it për të raportuar për gjendjen në veri. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.