Kuçi: Nuk e shkarkojmë Krasniqin

17:04 / 25.02.2013

Nënkryetari i PDK-së, Hajredin Kuçi ka thënë sot se zërat që partia e tij ka në plan të iniciojë shkarkimin e kryetari të Kuvendit, Jakup Krasniqi, nuk kanë të bëjnë aspak me të vërtetën e asaj që punohet në PDK.

Sipas tij, ndryshimet nuk janë logjik e partisë së tij, pasi, siç është shprehur, PDK-ja nuk bënë ndryshime spektakolare.

Kur ka folur për kryeparlamentarin, Kuçi është shprehur shumë i bindur se Krasniqi, pozitën, në të cilën është, e ka me shumë merita, duke thënë se ai ka bërë shumë për partinë por edhe për vendin.

“Këta zëra nuk janë të vërtetë. Në kryesinë e partisë së PDK-së asnjëherë nuk është diskutuar për ndonjë ndryshim të tillë. Nuk jemi parti që bëjnë ndryshime të tilla spektakolare. Kryetari i Parlamentit e ka atë vend të merituar për kontributin që ka dhënë për PDK-në dhe për Kosovën. Nuk është logjika jonë që të luaj me emra aty këtu”, ka thënë ai.

Kuçi ka pohuar se Krasniqi ka dhënë kontribut në parti, por edhe për vendin duke shprehur besimin e tij se do të vazhdojë të bëjë të njëjtën gjë edhe në të ardhmen. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.