Kaufman: Krenar me Adem Jasharin

10:39 / 26.02.2013

Ish anëtari i Asamblesë së New York-ut, Stephen B. Kaufman dhe njëri ndër përkrahësit më të mëdhenj të shqiptarëve, të cilin shqiptarët e konsiderojnë si një shqiptaro- amerikan nga Bronxi, ka thënë se në pesë vjetorin e pavarësisë duhet të kujtohet sakrifica e Adem Jasharit, pastaj personat e pagjeturit, si dhe të kujtohet dhe të kërkohet Ukshin Hoti.

Ai ka thënë se për shqiptarët është shumë e rëndësishme që të gjenden të pagjeturit, dhe nëse janë gjallë të kthehen në vendin e vet, e nëse nuk janë gjallë, sipas tij duhet të ketë ndonjë konkluzion që të dihet se për çka ata janë zhdukur dhe çfarë ka ndodhur me ta, transmeton “KosovaPress”.

“Së pari është kënaqësi që më konsideroni si shqiptaro-amerikan. Ne duhet t\'i kujtojmë dy gjëra: e para është forca dhe krenaria që na ka ardhur nga Adem Jashari i cili e sakrifikoi jetën e tij me 7 Mars 1998 për çlirimin e Kosovës dhe së dyti ne duhet të kujtojmë të pagjeturit, ku dihet se 1,780 njerëz akoma numërohen si të zhdukur dhe po-ashtu e kujtojmë dhe kërkojmë Prof. Ukshin Hotin”, ka thënë Kaufman.

Kaufman ka përmendur se 28 Nëntori është një datë e rëndësishme për të, por edhe për të gjithë shqiptarët, ngase në këtë datë ka lindur Adem Jashari, si dhe Skënderbeu e ka çliruar qytetin e Krujës. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.