Gashi: Gjysma e PDK-së pa shkollë të mesme

18:19 / 26.02.2013

Deputeti i Lidhjes Demokratike të Kosovës, Arben Gashi ka ironizuar me zyrtarët e Partisë Demokratike të Kosovës, duke thënë se gjysma prej tyre nuk kanë mbaruar shkollën e mesme.

Gashi, në profilin e tij në rrjetin social Facebook, ka shkruar se janë duke u angazhuar që të gjithë mësuesve që kanë dhënë kontribut në vitet \'90 – \'99 t’u njihet stazhi i punës.

Nëse jo, sipas tij, duhet t’u marrin diplomat e shkollës së mesme.

Kur ka përmendur shkollën e mesme dhe diplomat, Arben Gashi ka përmendur edhe zyrtarët e PDK-së, duke ironizuar me ta.

Gashi ka thënë se PDK-ja nuk do ta ketë problem për heqjen e diplomave, pasi që sipas tij, gjysma prej tyre s’i kanë as ato.

“Ne angazhohemi që të gjithë mësuesit që kanë dhënë kontribut ne vitet 90-99 tu njihet stazhi i punës, nëse jo, të na hiqen edhe në diplomat e shkollës se mesme. PDK se ka problem se gjysma nuk e kanë kryer shkollën e mesme hiq”, ka shkruar Gashi në profilin e tij në Facebook, citon ORAinfo. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.