Strukturat paralele në veri, deri në shtator
Ramush Tahiri, këshilltar i presidentes së Kovës, ka thënë se tashmë në Bruksel pala kosovare dhe ajo serbe janë dakorduar në parim për krijimin e një asociacioni të komunave, që do të përfshinte dhjetë komunat me shumicë serbe.Tahiri tha për RTK-në se është arritur marrëveshja në parim që të shpërbëhen strukturat ilegale serbe, gjegjësisht ato të sigurisë dhe të inteligjencës, ndërsa strukturat që janë të zgjedhur nga populli, do transformohen.
“Asociacione të komunave do të krijohen ne gjithë territorin e Kosovës. Jo vetëm në katër komunat në veri, por në të gjitha komunat që kanë dalë nga decentralizimi. Ky asociacion është siç është asociacioni i komunave në nivel të Kosovës. Pra është një OJQ që koordinon punën e komunave. Mirëpo, nuk ka të bëjë assesi më funksionet tjera”, tha Tahiri, citon Indeksonline.
Ai tregoi se zgjedhjet në katër komunat serbë të veriut do të organizohen në muajin shtatorë të këtij viti.
“Tash për tash jemi marr vesh që zgjedhjet të mbahen në shtator. Pas kësaj do zgjidhen kryetaret dhe këshilltarët komunal, ku më pas do aplikohen ligjet e Kosovës. Përfundimisht pas shtatorit nuk do të këtë as një strukturë ilegale në Kosovë”, tha Tahiri. /Telegrafi/
