SHBA nuk dëshiron një "Republika Sërpska" në Kosovë
Shtetet e Bashkuara të Amerikës nuk e dëshiron një “Republikë Sërpska” në Kosovë, pasi që kjo nuk ka treguar sukses as në Bosnje, ka thënë të martën ambasadori amerikan në Serbi, Michael Kirby.Në një vizitë të tij në Novi Pazar, ambasadori Kirby u ka thënë gazetarëve se SHBA, më me interes e sheh propozimin e Beogradit për një lidhje të komunave serbe në Kosovë, njofton agjencia serbe e lajmeve Beta, citon Rel.
Megjithatë, ai ka thënë se Shtetet e Bashkuara, ende nuk janë në njohuri se çfarë saktësisht paraqet ai propozim.
“Mendoj se me anë të bisedimeve (Kosovë-Serbi), duhet të arrihet deri te një zgjidhje për dallimet që janë paraqitur nga të dyja palët”, thotë ambasadori amerikan.
Kirby ka shtuar se duhet kërkuar për zgjidhje afatgjate dhe të pranueshme dhe ka kërkuar nga të dyja palët që të tregojnë trimëri në këtë aspekt. /Telegrafi/
