Ashton: Thaçi dhe Dacic mund të bëjnë marrëveshje
Përfaqësuesja e lartë e BE-së për Politikë të Jashtme, Catherine Ashton ka deklaruar sot në Bruksel se kryeministri i Kosovës, Hashim Thaçi dhe ai i Serbisë, Ivica Dacic mund të arrijnë marrëveshje, “por gjithçka varet nëse do të mund të gjejmë zgjidhje për disa probleme serioze që kanë ata”. Duke folur në forumin e Brukselit, i cili grumbullon personalitetet të shquara politike nga Evropa dhe Amerika, Ashton ka theksuar se gjatë javës, në Prishtinë dhe Beograd ka biseduar me krerët shtetëror dhe liderët opozitarë, ku ka konstatuar se “ndër ta ekziston vullneti i sinqertë që të arrihet marrëveshja”.
"Unë do të bëj çdo gjë që mundem që ata të kenë sukses në këtë ", ka thënë përfaqësuesja e lartë e BE-së, transmeton Beta.
Ajo ka thënë se vlerëson shumë kryeministrat e dy vendeve Thaçin dhe Dacicin, “të cilët janë treguar të gatshëm të ulen së bashku pranë tavolinës dhe të takohen gjashtë herë ".
