Asanaj u vetëvra, por hetimet mund të rihapen

23:56 / 1.04.2013

Prokurori në Prokurorinë Themelore në Prishtinë, Blerim Isufaj ka thënë se rasti “Dino Asanaj”, është mbyllur me konstatimin si vetëvrasje, kurse për rastin “Hamdi Sopa” nuk ka dashur të flasë shumë.

Isufaj ka lënë të hapur mundësinë për të hapur sërish hetime në rastin “Dino Asanaj”, nëse gjenden prova të reja që dëshmojnë të kundërtën.

Ndërkaq, për rastin e Hamdi Sopës, duke folur në emisionin “Puls” të KTV-së, prokurori Isufaj nuk ka dashur të flasë, duke thënë se është rast nën hetime dhe se shumë shpejt do të përfundojnë hetimet.

Eksperti i mjekësisë së ligjore, Arsim Gërxhaliu, ka thënë se i ndjeri Dino Asanaj, kishte 11 plagë dhe sipas tij është vërtetuar se ato plagë janë shkaktuar nga vetë Dino Asanaj, transmeton ORAinfo.

Ndërsa, psikiatri Isuf Ulaj, ka thënë se i ndjeri nuk ka pasur histori të trajtimit psikiatrik. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.