Kuçi: Kosova e ka planin për zbatimin e marrëveshjes

15:54 / 23.04.2013

Kosova e ka planin e saj për implementimin e marrëveshjes së arritur në Bruksel, tha zëvendëskryeministri Hajredin Kuçi në një intervistë për Radio Kosovën.

Ai tha se ky plan parasheh në mënyrë të qartë veprimet kohore që duhet të ndërmerren, sikurse edhe akterët që duhet të ketë rol në implementimin e marrëveshjes.

Sipas Kuçit, ky është plan praktik dhe i zbatueshëm jo vetëm në kuptimin e vullnetit, por edhe të kapaciteteve të institucioneve të Kosovës dhe atyre ndërkombëtare.

Zëvendëskryeministri Kuçi tha se edhe për bashkërendimin e këtij plani me planin që do ta paraqes pala serbe, do të ketë dialogim, por, siç tha ai, e rëndësishme është që vijat e trasha të implementimit të marrëveshjes tashmë janë përcaktuar.

Sa i përket asaj se sa do të arrihet të implementohet marrëveshja në veri duke pasur parasysh kundërshtimin e serbëve atje, Kuçi shprehu besimin e plotë në aktivitetet e shtuara të KFOR-it dhe EULEX-it në veri, por edhe në praninë më të madhe të institucioneve të Kosovës, megjithëse tha se nuk duhet të krijohet iluzion se gjërat mund të lëvizin lehtë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.