AI: Kosova ka dështuar të ndjekë krimet e luftës

9:31 / 23.05.2013

Në një raport të ri, grupi për të drejtat e njeriut Amnesty International ka dokumentuar abuzime në 159 shtete dhe territore, të cilat “janë shkaktuar nga ata që janë në pushtet, ndaj atyre që qëndrojnë në rrugë të interesave të tyre vetjakë”.

Gjetjet janë publikuar të enjten në raportin vjetor të Amnesty International “Gjendja e të drejtave të njeriut në botë për vitin 2012”.

Në pjesën për Kosovën, raporti kritikon autoritetet për “dështimin e tyre të vazhdueshëm për të ndjekur penalisht krimet e luftës, të cilat dyshohet se janë kryer nga Ushtria Çlirimtare e Kosovës më 1999”, raporton “Evropa e Lirë”.

Ai gjithashtu kritikon përdorimin e tepruar të forcës nga ana e Policisë së Kosovës.

Në përgjithësi, raporti numëron një numër të rasteve të torturës, kushteve të këqija në burgje, të ndjekjes penale të aktivistëve për të drejta dhe të shtypjes së lirisë së fjalës.

Ai po ashtu thekson guximin e aktivistëve për të drejta për të bërë ndryshime dhe për të kritikuar qeveritë që përdorin konceptin e sovranitetit për të justifikuar shkeljet e të drejtave.

Amnesty International ka thënë se do që të sigurojë se “secili ka mjete për të ndarë informacionin dhe për të sfiduar pushtetin dhe sovranitetin kur ai abuzohet”. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.