VV injoron akuzat për “ekstremizëm fetar”

18:04 / 30.06.2013

Në Lëvizjen Vetëvendosje nuk e shohin të udhës që të komentojnë deklaratat e deputetit nga radhët e AAK-së, Burim Ramadani, i cili ka shkruar se partia që e drejton Albin Kurti është duke ndjekur të njëjtën vijë me Lëvizjen Islame Bashkohu.

“Nuk kemi çka i shtojmë më tepër konferencës së djeshme për shtyp sa i përket AAK-së, e aq më pak postimeve në Facebook të deputetit Burim Ramadani”, ka thënë për Telegrafin, Erzen Vraniqi, përgjegjës për komunikim me media në Lëvizjen Vetëvendosje.

Debati ndërmjet përfaqësuesve të partive opozitare është ashpërsuar pas protestës së organizuar nga Lëvizja Vetëvendosje kundër ratifikimit të marrëveshjes për normalizimin e marrëdhënieve ndërmjet Kosovës dhe Serbisë.

Lëvizja Vetëvendosje e ka akuzuar AAK-në se është duke ia bërë argatin Qeverisë Thaçi, ndërsa ka lëshuar edhe deklarata në të cilat theksohet se krerët e partisë që drejtohet nga Ramush Haradinaj janë bosë të haraçit në rajonin e Dukagjinit.

Ndërsa, AAK-ja ka theksuar se këto “shpifje të Vetëvendosjes nuk iu bëjnë përshtypje qytetarëve të Kosovës, e as atyre të Dukagjinit”. AAK e ka ftuar Lëvizjen Vetëvendosje që të gjitha akuzat, nëse ka fakte, t’i drejtojë në organet kompetente vendore dhe ndërkombëtare.

Ndërkohë, debati është zhvendosur edhe në rrafshin e akuzave për lidhje me veprimet ekstremiste fetare.

Në profilin e tij në Facebook, deputeti Burim Ramadani, ka shkruar se Lëvizja Vetëvendosje, Lëvizja Islame Bashkohu dhe Gëzim Kelmendi, deputet i Partisë së Drejtësisë, kanë gjuhën e njëjtë për shamitë, mësim-besimin në shkolla, plasojnë shpifjet plotësisht të njëjta për AAK-në dhe shprehin urrejtjen e njëjtë kundër Skënderbeut, vlerave perëndimore dhe dashurinë e njëjtë për orientalizmin. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.