Mustafa: Nëse nuk i pëlqen Prishtina, Pacolli le të shkojë

21:34 / 1.07.2013

Nëse zëvendëskryeministrit Behgjet Pacolli nuk i pëlqen Prishtina, ai mund të shkojë e të jetojë në një qytet tjetër”. Këtë porosi ia ka dhënë atij kryetari i Prishtinës, Isa Mustafa, i cili është kundërpërgjigjur në deklaratat e Pacollit se Prishtina është e shëmtuar.

Derisa pak ditë më parë ishte treguar i ashpër me qeverisjen në kryeqytet, Pacolli të hënën ka thënë se për degradimin e kryeqytetit nuk ka faj vetëm Isa Mustafa, transmeton KTV.

“Për degradimin e Prishtinës nuk është fajtori i vetëm Mustafa, por politikat zhvillimore, pasojat e të cilave barten që nga koha e paraluftës. Sot, Prishtina është e degraduar. Zgjerimi i qytetit është bërë në mënyrë të pamenduar. Shumica e qytetarëve të Prishtinës jetojnë në varfëri të skajshme, papunësia është e madhe dhe këtu faji është jo vetëm tek Isa Mustafa, por edhe te Qeveria që ende s’ka ligj për Prishtinën”, ka deklaruar Pacolli.

Deklaratat e Pacollit janë bërë disa javë pasi Inspektorati komunal, ka larguar nga hoteli i familjes së tij një mbulojë. Për këtë punë Isa Mustafa, ka suspenduar dy inspektorë nga puna, pasi që nuk e hoqën me kohë atë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.