Kosova-Arabia Saudite me marrëdhënie diplomatike

0:29 / 8.08.2009

Republika e Kosovës dhe Mbretëria e Arabisë Saudite kanë vendosur të premten marrëdhëniet diplomatike mes dy vendeve.

Dokumentin e Protokollit mbi vendosjen e marrëdhënieve diplomatike në mes të Republikës së Kosovës dhe Mbretërisë së Arabisë Saudite e nënshkruan, në emër të Republikës së Kosovës i ngarkuari me punë Avni Spahiu, i autorizuar nga ministri i Punëve të Jashtme dhe në emër të Qeverisë së Arabisë Saudite, Khalid A. Al-Nafisee, ambasador i jashtëzakonshëm dhe fuqiplotë i Misionit të Përhershëm të Arabisë Saudite në Kombet e Bashkuara.

Me këtë rast, siç theksohet në një komunikatë të MPJ-së, ambasadori Al-Nafisee theksoi që është optimist që pas njohjes nga Arabia Saudite do të pasojnë edhe një numër i konsiderueshëm i njohjeve nga rajoni, dhe për këtë Arabia Saudite është një aleat.

Nga e tij Spahiu e falënderoi në emër të Qeverisë së Kosovës ambasadorin Al-Nafisee dhe Qeverinë e Arabisë Saudite dhe e theksoi rëndësinë e vendosjes së marrëdhënieve diplomatike në mes të dy vendeve që do të hap rrugën e bashkëpunimit më të madh në mes të dy vendeve, si dhe Kosova do të jetë prezent në këtë regjion.

Përveç dokumentit të Protokollit me këtë rast gjithashtu u nënshkrua edhe një komunikatë e përbashkët. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.