Ferati kundër strukturave paralele

Rezultatet paraprake të zgjedhjeve lokale të 15 nëntorit kanë nxjerrë fituese Aleancën për Ardhmërinë e Kosovës në Zveçan dhe Leposaviq, ndërsa Partinë Demokratike në Zubin Potok, ndërkohë që në këto komuna, pushtetin vazhdojnë ta mbajnë strukturat paralele të dala nga zgjedhjet serbe të vitit të kaluar.

Ministri Ferati la të kuptohet se rezultatet e zgjedhjeve në këto komuna nuk do të jenë të vlefshme, për shkak të bojkotit të shumicës serbe, ndërsa votat e shqiptarëve që janë pakicë atje, konsiderohen të pamjaftueshme për legjitimitetin e kryetarit të komunës. /BBC/