AAK dënon sulmin ndaj komunës së Gjakovës

Kryesia e AAK-së e vlerëson këtë si një akt të rëndë kriminal, të drejtuar kundër institucioneve demokratike të vendit dhe drejtpërdrejt kundër shtetit të Kosovës.

“Duke e dënuar fuqishëm sulmin e mbrëmshëm kundër institucionit të Komunës së Gjakovës, AAK fton të gjitha subjektet politike, edhe ato të opozitës lokale në këtë qytet e, sidomos, Degën e AKR-së në Gjakovë, që të distancohen sa më shpejt nga ky akt kriminal i drejtuar kundër Komunës së Gjakovës si institucion vital i Republikës së Kosovës”, thuhet në reagim.

“AAK përcjellë edhe një herë përkushtimin dhe vendosmërinë e saj në zhvillimin e mëtejmë të Gjakovës si dhe në kultivimin vazhdueshëm të frymës së lirë dhe demokratike në këtë komunë, duke u angazhuar, në të njëjtën kohë, për Gjakovën qytet i qetë, i sigurt dhe stabil për të gjithë qytetarët e saj”, përfundon reagimi i kësaj partie. /Telegrafi/