Një panel mbikëqyrës për EULEX-in
Bashkimi Evropian ka vendosur të themelojë panelin e shqyrtimit të të drejtave të njeriut për EULEX in në Kosovë. Ky panel do të shqyrtojë ankesat e personave, grupeve apo institucioneve që mund të pohojnë se EULEX-i i ka shkelur të drejtat gjatë zbatimit të mandatit. Paneli që do të përbëhet nga tre anëtarë ndërkombëtarë dhe një sekretar do të jetë i pavarur. EULEX i ka vlerësuar se strukturat e brendshme të llogaridhënies janë qenësore për arritjen e objektivave të përgjithshme të misionit.
Misioni Evropian për zbatimin e ligjit në Kosovë, përmes një deklarate thekson se "koncepti i llogaridhënies është i ndërlikuar dhe përfshin një mori elementesh që e bëjnë EULEX in llogaridhënës jo vetëm ndaj qytetarëve të Kosovës, por edhe ndaj qytetarëve të Bashkimit Evropian".
"Një mekanizëm i mirëfilltë dhe transparent për llogaridhënie është rrënjësor për EULEX in në Kosovë, i cili është mision për sundimin e ligjit me disa funksione ekzekutive", tha shefi i Misionit Yves de Kermabon.
"Unë jam i kënaqur që shtetet anëtare janë pajtuar lidhur me rëndësinë e këtij mekanizmi të pavarur dhe unë e pres me padurim krijimin e tij". Mekanizmi për llogaridhënie është rrënjësor për EULEX-in në Kosovë”. /qik/telegrafi/
Postuar: 11:49 / 26.11.2009 |
RSS 
