Urimi i kryeministrit Thaçi për 28 Nëntorin

Në telegram e urimit të kryeministri Thaçi vlerëson se, “Dita e Pavarësisë së Shqipërisë, 28 Nëntori, është datë e rëndësishme në historinë moderne të kombit tonë”.

“Republika e Shqipërisë, si faktor i paqes dhe stabilitetit në rajon, është dëshmuar se është model i suksesit të demokracie, i fqinjësisë së mirë, i lirisë, i prosperitetit dhe i zhvillimit ekonomik. Sot, Shqipëria është anëtare e NATO-s dhe drejt rrugës së sigurt për t’u integruar në Bashkim Evropian”, thekson kryeministri.

“Dita e Pavarësisë së Shqipërisë, 28 Nëntori 2009, e gjen shtetin demokratik të Kosovës në rrugën e pandalshme të integrimit në institucionet euroatlantike. Në ditën e Pavarësisë së Shqipërisë, gjithë bashkëkombësit tanë krenohen me të arriturat e përbashkëta në rrugë drejt integrimit dhe zhvillimit të gjithëmbarshëm”, thuhet në telegramin e urimit të kryeministrit Thaçi. /Telegrafi/