Geci: CD-ja në duart e Prokurorisë
Deputeti i Lidhjes Demokratike të Dardanisë, Gani Geci, ka bërë të ditur për të përditshmen “Zëri”, se menjëherë pas përfundimit të seancës plenare të së enjtes, ku ai ka ofruar dëshmi se persona të kabinetit qeveritare kanë gisht në planifikimin për vrasjen e deputetit të LDK-së Agim Veliu, dhe atij të LDD-së Adem Salihaj, është telefonuar nga Prokuroria e Kosovës, të cilët sipas tij, i kanë kërkuar CD-në me materialet filmike.“Po menjëherë pas debatit në Kuvend, më ka thirr Prokuroria dhe e kam çuar CD-në me materiale filmike, në të cilën flitet me emër dhe mbiemër për më shumë se 10 vrasje, tentim-vrasje dhe rrahje”, ka deklaruar për “Zëri” Geci.
Geci ka bërë të ditur se CD-ja flet për njerëz të kabinetit qeveritar, por ai nuk ka dashur të japë emra se kush janë ata që kanë dhënë urdhra që të vrasin figura politike.
Deputeti Geci ka shpjeguar se dëshmitari e ka filluar këtë procedurë që 1 vit, por pasi që Prokuroria s’ka ndërmarrë asgjë, ai këtë CD ia ka dorëzuar atij. “Dëshmitari të cilin kurrë se kam njohur më parë, vetëm para dy muajsh më ka dorëzuar CD-në. Njëherë ka menduar t’ia dorëzojë deputetet Melihate Tërmkolli, si deputete e guximshme, por më pastaj ka vendosur që të ma japë mua”, ka sqaruar Geci. /Telegrafi/
Postuar: 14:07 / 28.11.2009 |
RSS 
