Seminar për njohjet ndërkombëtare të Kosovës
Në vigjilje të fillimit të seancave dëgjimore në Gjykatën Ndërkombëtare të Drejtësisë, me 2 dhjetor, në Nova Gorica të Sllovenisë, do te mbahet seminari "Pavarësia e Kosovës nga këndvështrimi i të drejtës ndërkombëtare dhe njohjet e mëtutjeshme te Kosovës", ku ligjërues kryesor do të jetë ish ministri i Jashtëm slloven, Dimitrij Rupel. Ky seminar është organizuar nga Fakulteti Evropian i Drejtësisë, nga Nova Gorica në Slloveni, me ligjërues dr. Dimitrij Rupel - ish Ministër i Punëve të Jashtme i Sllovenisë dhe ish kryesues i radhës i Presidencës se BE-së, ish kryesues i radhës i OSBE-së.
Ligjërata do të përqendrohet gjithashtu edhe ne procesin i cili zhvillohet pranë GJND-së.
Në këtë seminar parashihet që një fjala rasti ta mbajë edhe kryeministri ose zv/kryeministri i Kosovës, pastaj edhe dr. Peter Jambrek- dekan i Fakultetit Evropian të Drejtësisë, dr. Miha Pogacnik- prodekan i Fakultetit Evropian të Drejtësisë (kryetar i Bordit Menaxhues të UEK) dr. Esat Stavileci, anëtarë i ASHAK dhe Edon Cana, kryeshef ekzekutiv i Agjencisë për Koordinim të Zhvillimit dhe Integrimit Evropian, nga Zyra e Kryeministrit të Republikës së Kosovës. /rtk/
Postuar: 12:27 / 30.11.2009 |
RSS 
