Shtabi zgjedhor i AKR-së të dislokohet në Mitrovicë

Sipas tij kjo zhvendosje është në funksion të mbështetjes politike dhe logjistike të degës së AKR-së në Mitrovicë, për raundin e dytë të zgjedhjeve, për të mbështetur kandidatin e saj për kryetar të Mitrovicës, Nexhemdin Spahiu, i cili garon me rivalin e tij nga PDK, Avni Kastrati.

Ndërsa, sa i përket akuzave që ka bërë AAK-ja për AKR-në dhe PDK-në për komunën e Gjakovës, Gashi tha se nuk don të komentojë çështjen e Gjakovës, për arsyeje se tashmë kjo lëndë është në procedura të organeve gjyqësore.

"Nuk dua me komentuar, sepse nëse dikush do të duhej të akuzonte dikën në Gjakovë me fakte është AKR-ja, dhe ne këtë e kemi dëshmua katërçipërisht, se ne jemi të dëmtuar atje dhe jo ata që na akuzojnë neve. Ndërkaq lidhur me PDK-në atje unë nuk kamë ndonjë koment, sepse ne nuk kemi pas asgjë të përbashkët me kandidatin e PDK-së atje, ndoshta në rundin e dytë sikur të ishim do ta kërkonim mbështetjen e të gjitha partive për kandidatin tonë atje, mirëpo kjo nuk ndodhi fatkeqësisht", tha Ibrahim Gashi, nënkryetar i AKR-së.

Ai ka shtuar se AKR ka qenë e dëmtuar në Gjakovë dhe është dashur t'i akuzojë ata që e kanë dëmtuar AKR-në. /rtv21/