Rugova vazhdon të jetojë me popullin dhe LDK-në

“Ne jo vetëm që e përkujtojmë sot, duke e respektuar, duke vendosur lule apo duke qenë me familjen e tij të gjakut, por kjo ditë për ne, për LDK në, tregon qartë që 1 dhjetori ditë e dëshmisë për shtetin e Kosovës, dhe 2 dhjetori si ditë e tij e lindjes, lidhet ngushtë edhe me 20 vjetorin e LDK së, apo për të cilën ne po punojmë më 23 dhjetor për të hyrë në dekadën e tretë të veprimtarisë sonë politike", theksoi Haziri në një konferencë për media.

Gjithashtu Haziri tha se LDK përshëndet përgatitjen profesionale dhe prezantimin e Kosovës në mënyrë dinjitoze nga Ministri i Jashtëm në GJND. Ministria e Jashtme e ka prezantuar dëshminë e faktuar se Pavarësia e Kosovës ka qenë zgjidhja më e mirë, më e besueshme, jo vetëm për shqiptarët e Kosovës, por edhe për ato pak grupe minoritare që janë në Kosovë dhe shtetet në rajon.

Duke folur për raundin e dytë të zgjedhjeve për kryetarë komunash, Haziri tha se LDK po e përgatit popullin për vizionin politik që pritet të konfirmohet edhe në balotazh në 11 komuna ku LDK ja garon, duke filluar me fushatën sipas afatit ligjor më 5 dhjetor për të përfunduar më 11 dhjetor në mesnatë.

Me këtë rast ai u bëri thirrje qytetarëve të Kosovës që të dalin sërish në zgjedhje. Haziri edhe një herë konfirmoi se LDK ja i është qasur procesit zgjedhor me përkushtimin më të madh dhe e ka kuptuar si kreditin më të madh që duhet ta ketë në këto zgjedhje të cilat janë historike për vendin, për të ardhmen e tij dhe për perspektivën evropiane.

Duke iu referuar dëshmisë për krimet në Kosovës, nënkryetari i LDK së kërkoi nga organet e gjyqësisë që të japin shpjegime shtesë rreth vendimit që Nazim Bllaca të mbrohet me burg shtëpiak. Ndërsa vendimin për caktimin e masës së arrestit shtëpiak prej 30 ditësh për Bllacën ai e quajti të pakuptimtë.

Ai tha se askush nuk ka të drejtë përveç organeve të drejtësisë të vlerësojë se kush është patriot e kush tradhtar, derisa SHIK un e ka cilësuar si organizatë ilegale. "SHIK-u ka qenë organizatë ilegale për LDK-në, mbetet ilegale, si strukturë. Ajo mund ta ketë një funksion për një periudhë të caktuar kohore të luftës apo të periudhës kur është vendosur të themelohet si strukturë, për LDK në gjithmonë ka qenë dhe mbetet e tillë organizatë fantome", nënvizoi Haziri. /QIK/