GJND nuk do të ketë pasoja faktike për Kosovën

Në një bisedë për gazetën “Alo”, Vllasi ka refuzuar të komentojë nëse ai do të jetë ambasador i Kosovës në Mal të Zi, duke thënë se nuk dëshiron të prishë praktikën diplomatike.

Sa i përket procesit gjyqësor që zhvillohet në Hagë rreth ligjshmërisë së shpalljes së pavarësisë së Kosovës, Vllasi ka thënë se vendimi i këtij gjyqi nuk do të ketë asnjë lloj pasojash faktike për vendin tonë.

Vllasi është shprehur i bindur se asnjë shtet nuk do të tërheqë njohjen e Kosovës, duke shtuar se - do të ketë edhe njohje të tjera të Kosovës – pasi që, sipas tij – në diskutimet e deritashme në GJND argumentimi i ligjshmërisë së shpalljes së pavarësisë ka qenë shumë më i fuqishëm nga ai që e paraqet pala serbe. /Telegrafi/