Konferenca për Ballkanin Perëndimor në pikëpyetje

Konferenca, e cila është planifikuar më 20 mars në Slloveni, është në pikëpyetje sepse Serbia kundërshton që Kosova të përfaqësohet si shtet i pavarur.

Pahor ka thënë se në radhë të parë për shkak të këtij kontesti është e pamundur të thuhet se konferenca do të mbahet fare, duke shtuar se nëse edhe mbahet, nuk mund të thuhet se do të jetë e suksesshme.

Serbia i ka thënë Sllovenisë më herët sa nuk do të marrë pjesë në këtë konferencë nëse Kosova atje nuk përfaqësohet në pajtim me rezolutën 1244 të KB, që do të thotë si Kosovo-UNMIK. Por edhe autoritetet e Prishtinës insistojnë që Kosova në këtë konferencë të trajtohet vetëm si shtet i pavarur. /qik/