Kërkohet normalizimi i raporteve me KFOR-in
Komisioni për Mbikëqyrjen e Forcës së Sigurisë së Kosovës, kërkoi të mërkurën që udhëheqësit e kësaj force, të zgjidhin problemet e krijuara ditët e fundit, në raportet me misionin e NATO-s në Kosovë.Anëtarët e Komisionit parlamentar u takuan me drejtuesit e FSK-së, ministrin Fehmi Mujota dhe gjeneralin Sylejman Selimi. Ata kanë inkurajuar FSK-në për tejkalimin e problemeve midis kësaj force dhe KFOR-it.
Berim Ramosaj, kryetar i Komisionit për Mbikëqyrjen e FSK-së, tha se “është interes nacional i Kosovës të ndërtohen raporte korrekte me KFOR-in dhe me NATO-n.
Ramosaj tha se Komisioni, gjithashtu, ka inkurajuar FSK-në që të gjejë mënyra në tejkalimin e situatës dhe respektimin e Pakos së Ahtisaarit dhe Kushtetutën e Kosovës, të cilat e definojnë rolin e FSK-së.
Anëtarët e Komisionit dhe udhëheqësit e FSK-së vizituan edhe Qendrën Nacionale të Trajnimeve të FSK-së në Ferizaj. /rtk/
Postuar: 12:23 / 10.03.2010 |
RSS 
